कांदा उत्पादक शेतकऱ्यांना मिळणार मोठा दिलासा.

 

 

         कांदा उत्पादक शेतकऱ्यांना मिळणार मोठा दिलासा.राज्यात अडचणीत सापडलेल्या कांदा उत्पादक शेतकऱ्यांना दिलासा देण्यासाठी प्रतिक्विंटल 300 रुपये सानुग्रह अनुदान देण्याची मुख्यमंत्री एकनाथ शिंदे यांनी विधानसभेत घोषणा घोषणा केली.या निर्णयामुळे कांदा उत्पादक शेतकऱ्यांना मोठा दिलासा मिळणार असल्याचे मुख्यमंत्र्यांनी सांगितले.

या संदर्भात विधानसभेत निवेदन करताना मुख्यमंत्री श्री एकनाथ शिंदे म्हणाले की, खरीप हंगामातील लाल कांद्याची आवक मोठ्या प्रमाणात आहे.देशातील इतर राज्यातील कांद्याचे उत्पादन वाढल्याने पुरवठ्याच्या प्रमाणात मागणी कमी आहे.त्यामुळे कांद्याच्या दरामध्ये घसरण झाली आहे. कांदा नाशवंत पीक असल्याने त्याला किमान आधारभूत किंमत लागू करता येत नाही.

कांदा हे महाराष्ट्रातील महत्वाचेनगदी पीक असून त्याला मिळणारा भाव कांदा उत्पादक शेतकऱ्यांच्या दृष्टीने, अत्यंत संवेदनशील, जिव्हाळ्याचा भाग आहे.देशातील कांदा उत्पादन,देशांतर्गत मागणी व देशातून होणारी निर्यात इत्यादी सर्व बाबींचा परिणाम बाजारपेठेतील कांद्याच्या दरावर झालेला आहे.

कांदा उत्पादक शेतकऱ्यांना दिलासा देण्यासाठी राज्य शासनाने एक समिती नेमली होती. समितीने 200 आणि 300 रुपये प्रति क्विंटल शिफारस केली होती.परंतु सरकार कांदा उत्पादक शेतकऱ्यांच्या पाठीशी उभे राहणारा असून त्यांना दिलासा देण्यासाठी सानुग्रह अनुदान म्हणून प्रति क्विंटल 300 रूपये देण्याचा निर्णय घेतल्याची माहिती मुख्यमंत्र्यांनी विधानसभेत बोलत असताना दिली.

या निर्णयामुळे कांदा उत्पादक शेतकऱ्यांना चांगला दिलासा मिळेल अनेक शेतकरी खूप अडचणीत येत होते परंतु आता त्यांना या निर्णयामुळे एक चांगला दिलासा मिळणार.

Leave a Comment

Your email address will not be published. Required fields are marked *